Wer's it verstoht, ka die Seide au auf Deitsch lesa.

Griaß Goddle!

Ha, jeddzd bisch aber g'schbronga und grad no als Gligger . B'sucher auf meinr HohmPäïdsch akomma!
Fier Schwaoba isch's wichtig: Dr Counter - der wo do hanna amol war, der isch von DIGITS.COM ond koschd nix!
Dofier hot mr emmer z'lang warta missa, jeddsd goht's viel schnellr. Der sauat richtig ;-)

No ebbas: s' isch emmer no a Bauschdell. Wenn's de na hagled, duad's mr loid!


I han denkt, i kennd jeda Monad was Neies schreiba, abr noch hanne merggd, daß i ja no ebbas zom Schaffa hau. Grad schad, abr 's goht grad et. Drom ischd Seide halt so wia se isch. Baschta!

"Nichtsdestotrotz" - (des isch damit ihr Bachel et denggad, daß i me et mit der Schriftsproch auskenn) :-) - schreib' mr halt amol. I frei me scho!


Was me endressiera däd:

  • Woisch du ebbas ieber franzesische Volkstänz'? (Mei Examensthema...)
    FERTIG !!! (G'schdtuhlad isch)
  • Wer bisch Du eigendlich?
  • Was dädsch oigendlich seha wolla auf dera Päïdsch?
  • Dädsch Du ebbr griaße wella, von dahanna aus? (I mach a weng Bladds)

Wenn mr's gscheid gmacht hend, noch bleibad mr au so em "Wördschl Kondäggt".

[ ... - wggschnidda - ...]

Ond oi Frog no fier da Manfred von Sied-Afrika: "Hosch schau gveschbred?"

("Warst Du schon zu Tisch?" für die des Schwäbischen Unmächtigen)

Der Manne isch nämlich oiner von denne, die emmer en dr Njuusgruub
alt.aeffle.und.pferdle
allerlei G'schichtla poschted. S'isch hald an saugladder Feez ;-).

Sodele, jeddsd isch abr gnuag gloddzt. Jeddsd wird weidr g'schaffd!

Wenn mr sonschd no was wissa will zom Schwäbisch em WWW, noch sodd mr sich mol die Oft g'schtellte Froga (OGF) von dr Äffle & Pferdle-Newsgrubbe agugga:
http://www.uni-karlsruhe.de/~un0h/OGF.html

Wer mit den Finessen dieser Sprache auf unüberwindbare Probleme stößt, könnte auch einmal einen Blick in das Englisch-Schwäbische Wörterbuch werfen)

bwinter@germanynet.de
In Ulm und Uum Ulm und um Ulm herum ...
Fir de Linguischda: D' Sproch isch am Dialeggd von Ulm (ond drom rom) nachempfonda.

Fier die Seide hau i 's Abdeid heit frisch g'machd, am 26. Nofembr.

Counter