(Net) g`sucht un g`funne – unser Schdorrie (vun Gerhard oder wie wir zusammenkamen.)
Im September 2006 hab ich uff Lambertskreuz de Emil s´erschte mol
getroffe. Do hot er grad mit em zusamme des Annemarieche g´sunge.
Ä Woch schpeeder treffen mer uns zufällisch uff´m Woibiet.
Do hot er de Gunnar debei g´hat. Die zwää schbielen schun seit dem Sandkaschde zamme Giddar.
Paar Daach denoch hänn mir drei uns dann in Lambertskreuz getroffe .
Als die zwää ihr Giddare ausgepackt hänn, hab ich noch g´sachd :
„Wann´d ä Akkordeon bei bringschd mach ich mit euch Mussig“,
Do hot de Emil gleich ens g´holt - un so isses losgange...
Seitdem schbielen mer Mittwochs net bloß Dure (un Molle) ,
Nää mir machen a änni - durch unsern schääne Pälzer Wald.
Un so hämmer – dank unserm „Pfadfinder“ Emil - schun manches Fleckl
g´sehe, wu mer noch nie waren.
Wammer dann owends häm gehen – hän glacht un g´sunge un de Leid
ä klääni Freed mit unserer Mussig gemacht – sinn mer zufriede
un freen uns schun uff´s negschde mol.........
Karikatur erstellt von
Hans-Günter Glaser
" DIE PÄLZER haben sich am Aschermittwoch 2012 nach 5 Jahren getrennt.
Die Homepage bleibt zur Erinnerung vorläufig bestehen "
 |
 |
 |
 |
 |
 |
 |
 |
 |
 |
 |
 |
