Mei etwas andrer Jahresrückblick
Mei Leid, eitz is scho wieda a Joa voganga,
wos sagts eitz dou dazou, wos solln ma na dou no ofanga?
Dass i desmal wieda alloa dou steih, woa höhere Gewalt,
dou konnst nix macha, i hoff bloß, dass eich trotzdem gfallt!
I bin natürlich eitz desweng scho a weng nervös,
owa sads ma desweng eitz bittschön niad glei bös!
I ho eitz mal alles chronologisch g´ordnet, und zwar so:
as End vom Joa g´hert zum Schluss und mim Anfang fang i o!
Also in Palm Beach in Stein worn ma ja desmal a wieda,
i moan, des is zwar jeds Joa asselbe, owa trotzdem wiads koam zwieda!
Dou is nämlich imma fir an jedn wos dabei,
d`Kinda ham an Spaß und fir`n Ralph is imma a Platzl in da Sauna frei!
Vüll seng`s bloß als Erholung vom Stress und vo dem, wos sunst no alles woa,
oda einfach nur als Abschluss fir a ganz a tolls und erfolgreichs Joa!
Ja und i sigs no vor mir, wei ma im Trainingslager in Rothenbuag woan,
a riesn Einführung ham ma vom Herbertsleita kreigt, owa gstert hot´s koan.
D´Kommunikation is zwar a bissl zruckbliem und as Briefe schreim woa in,
und fir Michl´s und Anja´s Lem gab des ganze an völlig neia Sinn !
Da Pat hot´s zwar no probiert und wollt mit drei Kanadierinnen kommuniziern,
owa wenn ma af „Hey, what a pretty guy! „Halt´s Maul erwidert, kon des ja niad funktioniern!
Ja, und na woa dou no oane, dei wollt dem oama Kellner koa Trinkgeld gem,
tststs , ja, stellt´s eich amal vor, vo wos soll na der guate Mo sunst lem?
As Kriminalmuseum fand ja vor allem da Oller wirklich „bsonders intressant ,
und an Maxi und an Michl ham ma zu de neia Bademützntester ernannt!
Des woa scho a riesn Gaudi, glabt´s ma`s, des is wirklich wohr,
owa des woa no lang niad alles, dou woa scho no vüll mehr in dem Joa!
Af Wels san ma ja heia a wieda g´fohrn und i moan, des woa doch niad schlecht!
Da Wettkampf is guat umme ganga und as Weda woa ja a no recht!
Unsa Quietscher wollt na no unbedingt was Gutes tun, gell ?
Owa mit so voreilign Entschlüssn woa er scho immer recht schnell!
Großzügig erlaubte er an Lukas den Gang zum McDo,
dumm woa nur, da Quietscher ging weida und da Lukas, ja, der wortat heit no,
wenn´s niad oana g´merkt heit, dass da Lukas fahlt, der woa spurlos verschwundn,
na ham ma glei an Suchtrupp lousgschickt, dei ham nan na endlich gfundn!
Sie ham nan bloß unglücklicherweis beim Flirtn mit a na Polizistin gstert,
owa glabt´s ma´s, so is Wels, Gaudi pur, so wei sa ses halt ghert!
 |
 |
 |
 |
 |
 |
In da TuS-Hüttn woa i ja desmal niad mit dabei, dou woa i doch furt,
owa koa Angst , i ho ja no meine Spione, dei fohrn fir mi überall mit furt,
dei ham ma natürlich a scho alles vozüllt und des woa niad grod weng:
Tretbootfohrn woans am Arbasee und den Berg hams bloß vo untn gseng,
ja, und die Jugend vo heute wüll ja überhapt nimma gei,
sogor vom Osserbad han´s hoamkutschiert woan, gell, des woa scho schei!?
An Spieleabend hams na a no gmacht, der woa anscheinend sehr intressant,
denn es war ma sunst a Rätsel, wie d´Regina sunst bei der Gaudi eischloufa kannt!
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Also, mou des scho recht schei gwen sa, weil i vo koa Beschwerdn her,
ja und eitz kummt, glawe, as 24- Stundn-Schwimma, owa danou no vüll vüll mehr!
Zum 24- Stundn-Schwimma kon i bloß so vüll song,
as Weda hot mal wieda basst und es woan a Leid dou, ja, fei ungelong!
Sogor a bor Eltern ham ma zum Zähln an Beckenrand glockt,
und d´Frau Edenhart is sogor die ganz Nocht durch fir uns donghockt!
Ja, des lob i mir fei scho, dass a no Leid gibt, dei koa Arbeit scheit,
und dass so vüll mitgholfa ham, des hot mi am meistn gfreit!
 |
 |
 |
 |
 |
 |
 |
 |
 |
 |
Ja, und wenn mi niad alles deischt, kumm ma eitz scho zur Radl-Tour,
dei hot da Willi 1A organisiert, der braucht dazou koa extra Reiseagentur!
Zum Deiblitzer Badeweiha hot er uns wieda gfiehrt,
und stellt´s eich vor, da Quietscher woa niad dabei und scho is nix bassiert!
Na guat , kam san da Markus und Co. mit earam Aldiboot in den Weiha
ham`s scho eara Paddl versenkt, naja, des woas na firs Bootfohrn fir heia!
Beim Ruckwech ham se vier na no denkt, sie mein unbedingt no wos bringa ,
und wolltn à la „Tour de France eara eigene Bergtour bezwinga!
Dou kon i mi nämlich no genau dro erinnern, des woa ja niad zum Überseng,
owa eitz denk ma an Großkrotzenbuag zruck, dou san ma sogor scho fast vor Lacha gleng!
An Michl sei Brülln lag af oamal plötzlich am Grund vom See,
guat, dass niad sei Schwimmbrülln woa, dei darat eam nämlich scho mehr in da Seele weh!
Mei, na ham ma no an Maxi sein 18. Geburtsdoch gfeiat,
mit 14+x hot er se owa na oane oglacht, ja grod dass er's niad heiat!
Dei hot eam a no a Standerl gsunga,
i sogs eich, mia ham bloß no nou na Erlösung grunga!
An Doch draf hot da Quietscher glei as Ziel nimma richtig dawischt
und d´Wasserwacht hot am Michl sei Brülln wahrscheinlich bis heit no niad assagfischt!
Ja, des san Erlebnisse, i sog´s eich, dou macht ma vielleicht wos mit,
und die Kolibakterien- da See woa nämlich 3 Doch vorher desweng no gsperrt - gem beim Michl bis heit no koan Fried!
Owa, eitz wiads Zeit, dass i eich wos vom Trainingslager mit de Kloan in Fichtlberg vozüll!
I bin ma bloß niad so sicha, ob des überhapt jemand vo eich wissen wüll!
Naja, egal, i vozüll eich eitz trotzdem einfach wos,
weil da Ralph längst d´Hoffnung afgem hot, zog i das große Los ,
d´Katharina und da Xaver ham nämlich niad wirklich schwimma kinna,
owa na ham mas eam zoigt, am Ralph, hobs ja gwisst, dass mia des kinna!
Da Ralph hot se dafir na no als Lehrer betätigt,
und sei Lehr vo da Theorie hot se in da Praxis ja bestens bestätigt!
Und Spiele ham ma fei a no a Haffa gmacht,
und d´Magdalena hot beim Videoabend einfach d`Aung zougmacht!
 |
 |
 |
 |
 |
 |
 |
 |
Und woas eitz schlimm, na!, oda?, dou ho i doch Recht,
owa as Trainingslager Nummer 3 in Rothenbuag woa fei a niad schlecht!
Guat, wia ham zwar erst ewig gsoucht bis ma wos gfunna ham, wos basst,
denn vo Zwiesl ogfangt, üwa Waldmünchn , Furth und Arnbruck , koana wollt uns als Gast!
Und ursprünglich hein ma ja eigentlich zu zwölft hifohrn wolln,
doch na woan ma bloß no fünf , und da Herbertsleita begann seine Aung grimmig zu rolln!
Owa nou langem Hi und Her hot a uns na doch no afgnumma,
und doch mein mas uns eitz scho schwar überleng, ob ma wieda a mal kumma!
Newam Training ham ma uns na no geistlich durch die hiesige Sekte verwirklicht,
und beim Kortnspülln mathematisch erwägt, wos den Herzkine sticht!
An neia Trend nou da Shaving Session hams na a no entdeckt,
worum extra rasiern, wenn doch a Strumpfhosn dei Hor perfekt bedeckt!
Ja, und dass ma niad awl bloß furtfohrn kina, is ja wohl klar,
des alles gabs nämlich niad, wenn dou niad des Training war,
die oan, dei schimpfa, die andern finnas guat,
gschwumma wiad trotzdem und anschließend wiad gmurrt!
Ob im Freibad, ob im Hallnbad, des spüllt niad wirklich a Rolln,
haptsach is, dass ma merkt, dass d´Kinda trainiern wolln !
Abgseng vo a bor Ausnahma, i wüll ja eitz koa Nama nenna ,
owa, dei, dei´s wissen, wern dei na scho kenna!
Fir dei hein ma na im Summa a Pause eiglegt,
mou ja a mal sa und ham uns dafir beim Wasserballspülln bewegt!
Ja, und i mou eich song, des Training mach ma ja niad umasunst,
unsa Ziel san die Wettkämpf und as Gwinna na koa Kunst!
Vo de Kindgerechtn ogfangt, wou a die Kloana zu wos kumma,
wiad se vo de Bezirksmoastaschaftn bis zu de Deitschn affegschwumma!
Also, kummt bei uns wirklich koana z´kurz, des is ungelong,
und so halt ma a supa zam, des mou i eitz scho mal song!
 |
 |
 |
 |
 |
 |
 |
 |
So, i glab, eitz ho i alles gsagt, wos se so gsagt ghert,
dankschön firs Zuhörn, i hoff, i ho eich niad allzu lang gstert!
Dankschön a an alle, dei den Verein erst so richtig zammahaltn,
sowohl die Aktiven, als auch dei, dei den Verein im Hintergrund verwaltn!
Eitz wünsch i eich no a scheins Fest und a guats neis Joa,
schod eigentlich, dass des eitz scho wieda alles woa,
macht ses guat alle mitanand, mia seng uns wieda ,
und i fang a glei wieda o, und schreib alles nieda!
Steffi Gradl
